Ons Skool

Welkom by Laerskool Protearif , ‘n dinamiese tradisieryke skool, wat deur ons Skepper se Genade, geleë is in ‘n Wêreld Erfenisgebied, die Wieg van die Mensdom. Ons is bevoorreg om die landelike omgewing , oortrek met wilde protea-bome, elke dag te beleef en deel te maak van ons unieke strewe, ook eie aan ons leuse, om elke kind te laat blom en floreer, waar hy / sy geplant is!

Ons spog met ‘n leerdertal van net onder die 700 en ‘n personeelkorps van 30 passievolle onderwysers, wat oor die jare al bewys het dat ons krag en kwaliteit, juis in ons “kleinheid” lê . Dit stel ons ook in staat om gefokus te bly, op ‘n altyd groeiende visie en uitbreiding van kwaliteit dienste aan ons leerders, ouers en die groter gemeenskap.

Op akademiese gebied, streef ons na uitnemendheid , verken en implimenteer ons voortdurend nuwe geleenthede wat die tegnologie ons bied, om sodoende goeie standaarde te handhaaf en te verbeter!

n Gesonde liggaam, huisves ‘n gesonde gees en daarom moedig ons deelname aan ‘n verskeidenheid sport – en kultuuraktiwiteite aan en skep ons geleenthede vir elke leerder om ook fisies en intellektueel te ontwikkel.

Laerskool Protearif is trots op ‘n lojale en ondersteunende Beheerliggaam, Ouervereniging, sowel as ouergemeenskap, wat met hul betrokkenheid by die opvoeding van hul kinders, die akker waarin hul kinders moet groei en blom, goed voorberei .